Barcelona dhe reprezentuesit e Philippe Coutinhos kanë reaguar shpejtë duke i kërkuar falje Liverpoolit për gabimin trashanik nga Nike rreth transferimit këtë javë.

Nike, në një reklamë online që i bëri xhiron botës, njoftoi transferimin e Coutinhos te Barcelona duke promovuar emrin e tij në fanellën e “Blaugranëve”, transmeton portali arbresh.info. Promovimi ishte online për disa orë dhe Nike nuk e ka komentuar ende gafën.

Megjithatë, gazeta katalunase ‘Sport’ thotë se reprezentuesit e Coutinhos kanë folur me zyrtarët e “Redsave” dhe i kanë kërkuar falje për rrëmujën e krijuar edhe pse askush i afërt me lojtarin nuk mbanë përgjegjësi. Zyrtarët e Barcelonës kanë folur me homologët e tyre te Liverpooli për të njëjtën gjë.

Pra, Barcelona sërish insiston se ata nuk kanë të bëjnë asgjë me këtë rrëmujë.

Coutinho mungoi në fitoren e Liverpoolit kundër Burnleyt, gjë që ngjalli dyshime rreth një transferimi të menjëhershëm në Spanjë.

Por, trajneri Jurgen Klopp insisoti që mesfushori mungoi për shkak të lëndimit./arbresh.info/